2 Ped. 1:5:11
Iampo nga motubo sa kinabuhi ang mga balaan hangtod mahamtong aron “sa ingon niini dato ug madagayaon gyong isangkap [kanila] ang pagsulod sa walay kataposang gingharian sa atong Ginoo ug Manluluwas nga si Jesucristo” (2 Ped. 5-11).
2 Ped. 1:5:11—Ug tungod sab gyod ning hinungdan, idugang ang tumang kakugi, madagayaon gyong isangkap sa inyong pagtuo ang maayong gawi; ug sa maayong gawi, ang kahibalo; ug sa kahibalo, ang pagpugong sa kaugalingon; ug sa pagpugong sa kaugalingon, ang pagkamalahutayon; ug sa pagkamalahutayon, ang pagkadiosnon; ug sa pagkadiosnon, ang gugmang inigsoon; ug sa gugmang inigsoon, ang gugma. Kay kon naa ninyo kining mga butanga, ug nagmadagayaon, dili kini maghimo ninyong tapolan o dili ba mabungahon ngadto sa hingpit nga pagkaila sa atong Ginoong Jesucristo. Kay buta siya nga walay ingon niining mga butanga, mubog tinan-awan, kay nakalimot nga nahinloan na ang mga sala niya kaniadto. Busa, mga igsoon, labi pa gyod mong magkugi sa pagpalig-on sa pagtawag ug pagpili kaninyo, kay sa pagbuhat ninyo ning mga butanga dili gyod mo mangapandol. Kay sa ingon niini dato ug madagayaon gyong isangkap kaninyo ang pagsulod sa walay kataposang gingharian sa atong Ginoo ug Manluluwas nga si Jesucristo.
Pagpangalagad: Mobulig sa Dios sa Paggapos ug Paghubad
Ganahang mobuhat ang Dios og daghang butang dinhi sa yuta karon. Apan gikinahanglan Niya nga modapig Niya ang iglesia ayha pa Niya mabuhat kining mga butanga pinaagi sa iglesia. Dili makabuhat ang Dios sa gusto Niyang buhaton nga Siyasiya ra; buhaton gyod Niya kini nga binuligan sa iglesia. Ang iglesia maoy palagianan nga makapadayag ang Dios sa Iyang Kaugalingon. Usbon nako: samag gripo sa tubig ang iglesia. Kon gamay ang gripo, dili daghan ang tubig nga moagas sa gripo….Gusto gyong mobuhat ang Dios didto sa langit, apan maghulat gyod Siya nga molihok ang yuta ayha pa Siya makabuhat. Daghan ang gustong gaposon sa Dios sa langit, ug daghan ang gusto Niyang hubaran didto. Buot ang Dios nga magapos ang daghang tawo ug mga butang nga supak Niya, ug buot Niyang mahubaran ang daghang espirituhanon, bililhon, makaayo, ug balaang mga butang nga Iyaha. Ang pangutana mao kini: Duna bay mga tawo dinhi sa yuta nga mogapos sa gustong gaposon sa Dios ug mohubad sa gusto Niyang hubaran? Buot Niya nga kontrolon sa yuta ang langit. Buot sa Dios nga kontrolon sa iglesia ang langit. (The Prayer Ministry of the Church, p. 14)
© Living Stream Ministry. Used by permission.
2 Tim. 4:10; Buh. 2:40; Fil. 2:15
Iampo nga dili mahigugma sa panahon karon ang tanang balaan, ilabi na gyod ang mga batan-on ug mga bag-o, kondili maluwas hinuon gikan “ning hiwi nga kaliwatan” ug “mahimong mga anak sa Dios nga walay apan diha sa kaliwatang hiwi ug masupilon, nga nagsidlak diha nila ingog mga maghahayag diha sa kalibotan” (2 Tim. 4:10; Buh. 2:40; Fil. 2:15).
2 Tim. 4:10—Kay gibiyaan ko ni Demas, tungod sa paghigugma sa panahon karon.
Buh. 2:40—Ug sa daghang uban pang pulong bug-at gyod siyang nanghimatuod ug nagmaymay nila, nga niingon, Magpaluwas mo gikan ning hiwi nga kaliwatan.
Fil. 2:15—Aron mahimo mong walay ikasaway ug matinud-anon, mga anak sa Dios nga walay apan diha sa kaliwatang hiwi ug masupilon, nga nagsidlak diha nila ingog mga maghahayag diha sa kalibotan.
Pagpangalagad: Moampo sa Ingon Niini (1) — “Amahan…Balaanon ang Imong Ngalan”
“Balaanon ang Imong ngalan!” Naglaom ang Dios nga moampo tang tanan nga balaanon sa mga tawo ang Iyang ngalan. Gituboy sa mga manulonda ang Iyang ngalan. Apan dinhi sa yuta, kawang nga gigamit ang Iyang ngalan; gigamit man ngani kini sa mga diosdios. Kon kawang nga gamiton sa tawo ang ngalan sa Dios, dili Niya ipakita ang Iyang kapungot sa paghampak Niya sa tawo og dalugdog. Motago Siya, nga morag wala Siya. Kon kawang nga gamiton sa tawo ang Iyang ngalan, wala Siyay buhaton kaniya. Apan gusto Siya nga moampo ang Iyang mga anak nga, “Balaanon ang Imong ngalan.” Mga igsoon, kon nahigugma ug nakaila sa Dios, gusto gyod mo nga balaanon ang Iyang ngalan. Kon dunay kawang nga mogamit sa ngalan sa Dios, masakitan gyod mo, maglabi pa man ngani ang inyong tinguha, ug labi pa mo kamaikagong moampo nga: “Balaanon ang Imong ngalan.” Moabot ang adlaw nga balaanon sa tawo kining ngalana ug dili na kawang nga gamiton. (The Prayer Ministry of the Church, p. 32)
© Living Stream Ministry. Used by permission.
Mat. 24:40-47; Bug. 21:2; 19:7-9
Iampo nga magtukaw ug magmabuot ang mga balaan ug makasinati sa tanang gikinahanglan aron “maandam ingon sa pangasaw-onon nga gipatahom alang sa iyang bana” ug “gidapit sa panihapon sa kasal sa Cordero” (Mat. 24:40-47; Bug. 21:2; 19:7-9).
Mat. 24:40-42—Niadtong panahona duha ka lalaki ang naa sa umahan; kuhaon ang usa ug biyaan ang usa. Duha ka babaye ang maggaling sa galingan; kuhaon ang usa ug biyaan ang usa. Busa pagtukaw, kay wala mo mahibalo unsang adlawa moabot ang inyong Ginoo.
Mat. 24:45-47—Nan, kinsa man diay ang matinumanon ug mabuot nga ulipon, nga gitugyanan sa agalon sa iyang panimalay nga mohatag nilag kalan-on sa gitudlo nga panahon? Bulahan kadtong ulipona nga makit-an sa iyang agalon nga nagbuhat sa ingon sa iyang pag-abot. Sa pagkatinuod moingon Ko ninyo nga padumalahon niya siya sa tanan niyang katigayonan.
Bug. 21:2—Ug nakita nako ang balaang syudad, ang Bag-ong Jerusalem, nga nanaog sa langit gikan sa Dios, naandam ingon sa pangasaw-onon nga gipatahom alang sa iyang bana.
Bug. 19:7, 9—Magkalipay ug maghugyaw ta, ug himayaon nato Siya, kay niabot na ang kasal sa Cordero, ug nakaandam na sa iyang kaugalingon ang Iyang asawa…Ug niingon siya nako, Isulat, Bulahan ang mga gidapit sa panihapon sa kasal sa Cordero.
Pagpangalagad: Moampo sa Ingon Niini (2) — “Moabot ang Imong Gingharian”
“Moabot ang Imong gingharian!” Dili lang kini tinguha sa iglesia, kondili kaakohan sab sa iglesia. Ipadangat gyod sa iglesia ang gingharian sa Dios. Aron mapadangat ang gingharian sa Dios, mobugti gyod ang iglesia sa pagpalimiti ug pagpabuot niini sa langit. Mahimo gyod kining gul-anan sa langit, ug ipapadayag gyod niini dinhi sa yuta ang pagbulot-an sa langit. Aron mapadangat ang gingharian sa Dios, sayran gyod sa iglesia ang tanang laraw ni Satanas (2 Cor. 2:11). Isul-ob gyod niini ang tibuok hinagiban sa Dios ug mobarog batok sa mga laraw sa yawa (Efe. 6:11), kay hain ngani ang gingharian sa Dios, mahinginlan gyod ang yawa. Sa hingpit nang magbuot sa yuta ang gingharian sa Dios, itambog na si Satanas sa bung-aw nga walay kinutoban (Bug. 20:1-3). Kay naa may ingon niana kadako nga kaakohan ang iglesia, buhaton gyod ni Satanas ang tanan niyang mahimo aron atakihon ang iglesia. Moampo unta ang iglesia sama sa mga balaan sa karaang panahon nga, “O Jehova, ipaubos ang Imong mga langit ug kanaog” (Sal. 144:5). “O, nga gision unta Nimo ang mga langit, nga manaog Ka unta” (Isa. 64:1). Maingon man sab, moingon gyod ta ni Satanas nga, “Pahawa dayon sa yuta, ug adto sa walay kataposang kalayo nga giandam sa Dios alang nimo” (itandi sa Mat. 25:41). (The Prayer Ministry of the Church, pp. 34-35)
© Living Stream Ministry. Used by permission.
1 Tim. 1:3-4; Gal. 2:20; Fil. 1:21a; Juan 21:15-17; 1 Cor. 12:24; Col. 3:10-11
Iampo nga makasinati ang pahiuli sa Ginoo og bag-ong pagkadasig pag-usab, sa pagkadasig pag-usab nga wala pa sukad mahitabo sa kasaysayan, nga lugwa sa malamposong pagbatasan nato sa habog nga mga pinadayag sa pamatigayon sa Dios, lakip na sa Dios-tawong pagkinabuhi, malukopong pagpangatiman, ug panagsakot aron matinuod ang Lawas ni Cristo ug ang usang bag-ong tawo (1 Tim. 1:3-4; Gal. 2:20; Fil. 1:21a; Juan 21:15-17; 1 Cor. 12:24; Col. 3:10-11).
1 Tim. 1:3-4—Ingon sa pagtambag nako nimo, sa nagpadulong ko sa Macedonia, nga magpabilin ka sa Efeso aron magpahimangno niadtong mga tawhana nga dili manudlog laing mga butang o mamati ba sa mga sulusugilanon ug sa dili matapos nga mga talaan sa mga ginikanan, nga nagmugna hinuog mga paglalisay imbis sa pamatigayon sa Dios, nga naa sa pagtuo.
Gal. 2:20—Gilansang na ko sa krus uban ni Cristo; ug dili na ako ang nabuhi, kondili si Cristo ang nabuhi sa sulod nako; ug ang kinabuhing gikinabuhi nako karon sa unod, gikinabuhi nako sa pagtuo, sa pagtuo sa Anak sa Dios, nga nahigugma nako ug nitugyan sa Iyang Kaugalingon alang nako.
Fil. 1:21a—Kay alang nako, ang pagkabuhi mao si Cristo.
Juan 21:15-17—Unya sa nakapamahaw na sila, niingon si Jesus ni Simon Pedro, Simon, anak ni Juan, nahigugma ka ba Nako labaw niini? Niingon siya Niya, Oo, Ginoo, nasayod Ka nga nahigugma ko Nimo. Niingon Siya niya, Pakan-a ang Akong mga nating karnero. Niingon na sab Siya niya sa ikaduhang higayon, Simon, anak ni Juan, nahigugma ka ba Nako? Niingon siya Niya, Oo, Ginoo, nasayod Ka nga nahigugma ko Nimo. Niingon Siya niya, Atimana ang Akong mga karnero. Niingon Siya niya sa ikatulong higayon, Simon, anak ni Juan, nahigugma ka ba Nako? Naguol si Pedro nga nisulti Siya niya sa ikatulong higayon, Nahigugma ka ba Nako? Ug niingon siya Niya, Ginoo, nasayod Ka sa tanang butang; nasayod Ka nga nahigugma ko Nimo. Niingon si Jesus niya, Pakan-a ang Akong mga karnero.
1 Cor. 12:24—Apan wala na manginahanglan ang matahom na natong mga bahin. Apan gisakot pag-usa sa Dios ang lawas, labi gyong gihatagag kadungganan ang bahin nga nakulangan.
Col. 3:10-11—Ug gisul-ob na ang bag-ong tawo, nga gibag-o ngadto sa hingpit nga pagkaila uyon sa dagway Niya nga naglalang niya, nga niini dili na mahitabo nga dunay Gresyanhon ug Judio, sinirkunsisyonan ug dili sinirkunsisyonan, luog, Sityanhon, ulipon, tawong gawasnon, kondili si Cristo ang tanan ug naa sa tanan.
Pagpangalagad: Moampo sa Ingon Niini (3) — “Matuman ang Imong Kabubut-on”
Daghan ang sayop nga naghunahuna nga ang hinungdan nga moampo sa Dios ang tawo pagpasiugda mag buhat og mga butang ug mangamuyo sa Dios nga mobuhat Siya. Apan gipakita sa Biblia kanato nga una dunay kabubut-on ang Dios ug duna Siyay gustong buhaton, unya ipakita Niya kanato ang Iyang kabubut-on, ug ipamulong dayon nato ang kabubut-on nga nasabtan nato. Kini ang pag-ampo. Gitudloan ta sa Ginoo nga moampo. Gusto ang Dios mismo nga balaanon ang Iyang ngalan. Gusto ang Dios mismo nga moabot ang Iyang gingharian, ug gusto ang Dios mismo nga matuman ang Iyang kabubut-on dinhi sa yuta. Apan dili kini buhaton sa Dios nga Siyasiya ra. Nagpaabot Siya nga moampo ang iglesia. Kon moampo ka, moampo ko, ug moampo ang tanang anak sa Dios ug kon igo na kadaghan ang mga pag-ampo, mabalaan ang Iyang ngalan, moabot ang Iyang gingharian, ug matuman ang Iyang kabubut-on dinhi sa yuta ingon sa langit. Kat-onan gyod sa mga anak sa Dios ang pag-ampo ning pag-ampoa….Bisan sa millennium pa hingpit nga matuman ang pagbalaan sa Iyang ngalan, pag-abot sa Iyang gingharian, ug pagtuman sa Iyang kabubut-on dinhi sa yuta, ang panahon sa pagkatuman niini, sayo ba o ulahi, nag-agad man sa pag-ampo sa Iyang mga anak. (The Prayer Ministry of the Church, pp. 36-37)
© Living Stream Ministry. Used by permission.
Fil. 3:20; 2 Tim. 4:8; Tito 2:13; Bug. 22:20
Nga magdali na sa pagbalik si Ginoong Jesus (Fil. 3:20; 2 Tim. 4:8; Tito 2:13; Bug. 22:20).
Phil. 3:20—For our commonwealth exists in the heavens, from which also we eagerly await a Savior, the Lord Jesus Christ.
2 Tim. 4:8—Henceforth there is laid up for me the crown of righteousness, with which the Lord, the righteous Judge, will recompense me in that day, and not only me but also all those who have loved His appearing.
Titus 2:13—Awaiting the blessed hope, even the appearing of the glory of our great God and Savior, Jesus Christ.
Rev. 22:20—He who testifies these things says, Yes, I come quickly. Amen. Come, Lord Jesus!
Pagpangalagad: Molahutay sa Pag-ampo
Matod pa sa pulong ni Pablo sa [Colosas] 4:2, ang nagkinahanglan sa paglahutay nato mao ang pag-ampo. Molahutay gyod ta sa pag-ampo kay naglambigit man kinig pakiggubat, pakig-away. Nag-away ang duha ka persona, ang Dios ug si Satanas. Kabatok ang kahulogan sa ngalang Satanas. Kaaway si Satanas sa gawas ug kabatok sa sulod. Sa usa ka bahin, siya ang kaaway nga naningkamot sa pagpildi sa Dios; sa laing bahin, siya ang kabatok sulod sa ginsakpan sa Dios, nga nagtinguhang modaot niini. Isip kabatok, gisupak ni Satanas ang Dios gikan sa sulod sa ginsakpan sa Dios, sa gingharian sa Dios....Bisan tali sa Dios ug ni Satanas ang gubat nga nagpadayon karon sa uniberso, naay usa pa nga nalambigit. Naglangkob kini sa pinili ug tinubos nga katawhan sa Dios, ang mga modesider gyod sa sangpotanan sa gubat. Kon modapig ta ni Satanas, mapildi ang Dios, bisag makagagahom Siya….Sa pagkatinuod, nagkinahanglan ang Dios kanato. Kon wala ta, dili gyod Siya makapadayon sa pagpakig-away ni Satanas. Mintinahon gyod Niya ang Iyang pagkabutang isip Magbubuhat. Tungod niini, nagkinahanglan Siya nato nga mobuhat sa aktwal nga pakig-away….Aron makaaway dapig sa Dios batok ni Satanas, molahutay gyod ta sa pag-ampo. (Life-study of Colossians, pp. 577-578)
© Living Stream Ministry. Used by permission.
Magmalahutayon sa pag-ampo.